موظف إستلم المرتب يقول :-
كنت قاعد فى الكنيسة بعد صلاة القداس وابونا وقف وقعد يكلم الناس ويحثهم على التبرع للكنيسة ولاخوة الرب
فأنا دخلت إيدى فى جيبى وطلعت خمسه جنيه مقطعة ومبهدله وحشرتها فى فتحة صندوق التبرعات اللي قدامى !!
بعدها لقيت راجل عجوز واقف ورايا وهزنى فى كتفى وأعطانى ٣ ورقات فئة ٢٠٠ جنية وتقريبا ٤ ورقات فئة ١٠٠ وكمان ورقة بخمسين واظن ورقة بعشرين !!
أخدتهم منه وحشرتهم فى الصندوق إللى قدامي ورقة ورقة.. وبقول لنفسي.. دا مجنون دا علشان يحط كل المبلغ دا في الصندوق.. وجابهم لي احطهم انا كمان؟
ولما خلصت وحطيتهم في الصندوق لفيت له وشكرته
وقلت له :-
" المعطي المسرور يحبه الرب"
تعيش وتعطى لربنا
قال لى العفو يا ابني دول وقعوا منك لما دخلت إيدك فى جيبك من شويه
كل إللى زاره فى المستشفى بيقول إنهم ربطوه فى السرير من الحاله إللى عنده
وكل شويه يزغرط ويلطم ويصوت
لا تكن يدك مبسوطه للأخذ مقبوضه عن العطاء
(يشوع 36:4)
ليست هناك تعليقات:
إرسال تعليق