انت ممنوع من دخول الامتحان يا شوقي

" انت ممنوع من دخول الامتحان يا شوقي ، للاسف مكتوب عندي هنا انك كنت بتغيب كتير " 🫷

كلمات سمعها شوقي صديقنا على باب لجنة الامتحان بتاع الفلسفة ، أصله كان طالب فى كلية الآداب .. 

شوقي صديقنا لما سمع كده .. شرد بفكره و وقف يفكر كده و قال للمراقب كلمة واحدة و هي ...

" ربنا موجود " 

رجع شوقي لبيته و بلغ مامته باللى حصل و هونت عليه و قالتله " معلش يا حبيبى، كأننا بنشارك المسيح فى آلامه و فعلا ربنا موجود .. كله للخير " 

و استرجع شوقي موقف معين حصل معاه وقت الدراسة ... 

شوقي كان فى محاضرة لدكتور الفلسفة فى الكلية و كان الدكتور بيتكلم عن فكرة هل الله موجود ولا لأ، و للأسف الدكتور كان مقتنع جدا بإن الله غير موجود 

لكن شوقي لما سمع كلامه .. وقف بطل جسارة و شجاعة و قاله : يا دكتور كلام حضرتك غير صحيح و الله موجود و مالي بوجوده كل الدنيا و العالم 

و بدأ شوقي يسترسل فى البراهين و الأدلة اللى بتؤكد ان الله موجود فعلا .. و بدأ الطلبة تتكلم و صوت همهمتهم يطلع و أصبح موقف الدكتور حرج جدا .. 

فا أنهى المحاضرة بسرعة و طلب من شوقي انه يجيله فى مكتبه ..

و دار بينهم الحوار التالي :

الدكتور : واضح انك شاطر اوي يا ... شوقي ؟ مش كده ؟!

شوقي : أيوة يا دكتور أصلي بحب اقرأ كتير و عندي مكتبة مليانة بالكتب و ...

قاطع الدكتور كلام شوقي و قاله بنبرة تهديد :

طيب انا أنصحك تدورلك على كلية تانية .. لأني مش هسمحلك انك تنجح ولا تتخرج منها طول ما انا موجود هنا فى الكلية دي ..

شوقي : ربنا موجود يا دكتور ..

رد الدكتور عليه بنبرة سخرية و تهكم : لما نشوف بقى ربنا موجود ولا لأ، خليه ينجحك ... هههههه .

مشي شوقي و هو رامي حمله على الله و بيردد جملة " ربنا موجود "

و فعلا .. ربنا ما سابش شوقي ..

بعد كام شهر جه للدكتور عقد انتداب فى جامعة تانية خارج البلاد .. و طبعا الدكتور لقاها فرصة عظيمة انه يسافر .. و فعلا سافر الدكتور ... 

و فاتت السنين و سنة ورا التانية ورا التالته.. و الدكتور رجع و استلم عمله من تاني فى كلية الآداب.. 

و فى يوم إتفاجئ الدكتور بصوت خبط على الباب .. 

و دخل عليه طالب .. و بيقوله : مش فاكرني يا دكتور .. ؟

أنا شوقي .. شوقي جيد .. الطالب اللى حضرتك حرمته من دخول الامتحان من كام سنة ، انا جاي دلوقتي عشان استلم شهادة الليسانس .. شهادة تخرجي 

عشان ربنا موجود 

إني محمول على الأذرع الأبدية.. فلماذا أخاف ؟

ماذا يقلق نفسي ؟

أنت عوني يا الله و سر نجاحي ..

انت هو إله المستحيلات ...

أؤمن بك ، و أتمسك بمواعيدك الإلهية 

الله لا ينسى..

وزعت الكنيسة قبل العيد عطايا للأسر الفقيرة .. وكانت عباره عن أحذية اطفال تبرع بها أحد اصحاب مصانع الأحذية .

غير ان ارملة ذهبت الى الكنيسة لتطلب حذاء عطية أبنها فلم تجد ، للأسف سقطت من حسابات الخدام رغم أنها من شعب الكنيسة فذهبت تشتكي الى الاب الكاهن المسئول الذى أحرج منها و لم يستطيع الرد عليها بل اخدها معه ليبحث لها عن حذاء لابنها في الحجرة التي خزنوا فيها عطايا العيد فلم يجد.

ولكنه فجأة وقعت عيناه على صندوق لحذاء ملقى على جنب بأهمال بعيدآ في ركن الحجرة.

و دون ان يفتحه قال لها خذيه البيت و قسيه على قدمي أبنك واذ لم يناسبه رديه يوم الجمعه في القداس ،وسوف نشتري له حذاء جديد لكي يعيد به ، وذهبت السيدة الفقيرة الى بيتها ...

أنتهر الاب الكاهن الخادم المسئول عن التوزيع عندما رآه وقال له بحدة طالما انه يوجد حذاء فايض لما لم تعطيه للمراة المسكينة لكي يعيد ابنها .

فرد الخادم يا ابونا هذا صندوق به حذاء به خطا من المصنع فاحداها اكبر من الاخرى وكنت اود ان ارجعه الى المصنع لذلك وضعته جانبا ، فرد ابونا على الخادم عموما هى سوف تاتي يوم الجمعه قم بشراء حذاء جديد لابنها علي حساب الكنيسة .

وبالفعل أتت الأرملة يوم الجمعة و لما رآها أبونا سألها فورآ اين الحذاء لماذا لم تجلبيه معك ؟ كي نغيرها لابنك فقالت له انها مقاسه وانها مناسبه جدا له ،،فتعجب جدا وقال لها كيف ؟
قالت له ان ابني لديه عيب خلقي في رجليه وعنده واحده اصغر من الاخرى بقليل .

فإن البشر نسوا أبن الأرملة الفقيرة و لكن الله لم ينساه .. 

"لأَنَّهُ لاَ يُنْسَى الْمِسْكِينُ إِلَى الأَبَدِ. رَجَاءُ الْبَائِسِينَ لاَ يَخِيبُ إِلَى الدَّهْرِ." (مز 9: 18)