توقيتات الله

 قريت إن شجرة البامبو عجيبة أوي

بذرتها بتحتاج في الأول لـ شمس ومية كتير كل يوم

 ولمدة 4 سنين كاملين مافيش لا حس ولا خبر لأن مافيش أي حاجة بتطلع

 وأخيراً، في السنة الخامسة تبتدي النبتة تبان من فوق سطح الأرض

 والإنبهار كله بقي إنه في خلال 5 أسابيع فقط بتنمو بسرعة شديدة لدرجة إنه بيوصل إرتفاع الشجرة لحوالي 25 م

 أصل اللي بيحصل خلال الـ 4 سنين الأوائل دول إن جذور النبتة بتنمو تحت سطح الأرض لعمق كبير علشان تغذي وتثبِّت الشجرة العظيمة دي

 لو اللي بيزرع مش فاهم طبيعة شجرة البامبو، ممكن أوي يفقد الأمل ومايكملش يعتني ويروي الشجرة

ا

 فيه حاجات كتير بنعملها في حياتنا بتحتاج صبر

 وكتير بنفتكر إننا فشلنا لأن عينينا بتبقى مستعجلة عايزة تشوف نتيجة وثمر قبل أوانه

 لكن شجرة البامبو دي بعتتلي أحلي رسالة:

 

 *بقالك كتير مستني حاجة كويسة تحصل*

 

 *بقالك كتير مستني وظيفة أو استلام شقة*

 

 *بقالك كتير مستني تاخد حقك ورد إعتبارك*

 

 *بقالك كتير مستني فرج الله في أي صورة*

 لكن ماتنساش، كله في وقته لا قبل دقيقة ولا بعد ساعة

 توقيتات ربنا مافيهاش غلطة

 في الوقت اللي فيه بنفتكر إن ربنا ناسينا بيكون هو شغال في العمق بس إحنا اللي مش شايفين:

 الثقة في توقيتات الله الرائعة

 الثقة في محبة الله الفائقة المعرفة

 *لست تعلم أنت الآن ما أنا أصنع، ولكن ستفهم فيما بعد*

 *انتظر الرب حبيبي*