قصة : هتعرفه من ريحته !!


سنه 1999 عندما كنت اؤدى الخدمة العسكرية كنت فى يوم مريضا وكنت فى منطقة حباطه بالقرب من السلوم وتم تحويلى الى المستشفى قى منطقة برانى التى تبعد اكثر من ساعه ونصف بالاتوبيس ونزلت اكثر من مرة وكنت اقابل جنديا غير مسيحى مصادفة فى كل مرة . وفى احدى المرات لذهابى الى المستشفى سألنى عن نزولى المتكرر من الكتيبة فأوضحت له انى مريض فقال لى هناك طبيب مسيحى لا تتعامل معه ( اسمى لا يدل على اننى مسيحى ) فلم اسأله لماذا لا اتعامل معه وانما سالته كيف اعرف هذا الطبيب بحيث فى فكرى ان يعطينى تفصيلات لشكله ولكن قال لى شئ عجيب قالى انت هتعرفه من ريحته ...... صدقونى قالى من ريحته فسألته هو ريحته وحشه ؟ قالى لا واكمل كلامه يا بنى انت متعرفش ان الجماعه دول ليهم ريحه بتميزهم قلتله الدكاترة ؟ فالى لا المسيحين قلتله ازاى ... ريحة ايه دى؟ قالى ريحة كدة اول ما تشمها تعرفهم قعدت اتامل فى كلامه شويه وبعدين قعدت اشمشم جنبه فقالى ايه فى حاجه قلتله شم كدة فضل يشم وبعدين قالى مفيش ريحة قلتله متأكد شم تانى وقالى متأكد قلتله غريبة اصل انا مسيحى .وانتهى الموقف هنا

ورغم انى كنت مبسوط ان ريحة المسيح موجوده فينا كمسيحين لدرجة ان الغير مسيحين يقدروا يشموها ويعرفوها الا انى كنت حزين جدا جدا ان رائحه المسيح مش ظاهرة فيا

ليست هناك تعليقات:

إرسال تعليق