هو الكراهية بتعمل اية ؟

كانت هناك عداوه شديده بين بعض الأشخاص استمرت سنينا طويله، ووصلت الكراهيه بينهم شديده جدا جدا..
طالت المخاصمه بينهم جدا ولا احد يعرف شيئا عن الاخر..
وكل ماتحصل مصيبه ومشكله مع أي منهم يعلمها الاخر يفرح فيه....!
ازدادت النار جدا والقلوب مليئه بالمشاحنات والصراعات المزعجه التي لاتنتهي
تلف الايام وتدور بينهم مشاكل اوضيقات او مصائب يشمتون ويفرحون في بعضهم..
وتستمر الحلقه المفرغه بينهم اكثر واكثر.. 
وتزداد النار والمشاحانات اكثر واكثر شماتات ينتظرون لبعضهم وكل منهم يظن انه افضل حالا من غيره و يستحيل ان يحصل معهم اي مكروه فهم خارج الحوادث
يمرض ويتوفاه الله منهم ويقفون ويرقصون على جراحات بعضهم ولااحد يطفئ النار...!
كل هذه الضغينه والاحتقان والتعب المستمر نتيجه الشماتات وعدم المحبه والاحساس بالاخر وقله النفوس الهادئه... وماذا بعد..؟.
سؤال يطرح نفسه... 
يقول الكتاب"لاتفرح بسقوط عدوك ولايبتهح قلبك آذا عثر
لئلايري الرب ويسوءذلك في عينيه (أم٢٤: ١٧-١٨)

دكتور عيون

قعدت فترة عندي مشكلة فى عيناي، و علشان الدكتور اللى متعودة أروح له عيادته بعيدة ، قررت أروح لواحد تاني بس للأسف العلاج بتاعه ما ساعدنيش.

و بالصدفة عرفت ان الدكتور بتاعي بييجي فى مستشفى قريبة مني ، و رحت له فعلا بسرعة ، بس لما وصلت ، الممرضة اللى فى الإستقبال قالت لي :" إنتي إتأخرتي. ده مواعيده خلصت " بس لما شافت علامات الحسرة على وجهي صعبت عليها ، و قالت لي :" قولي للمساعدة بتاعته، يمكن ترضى تدخلك."

واول ما طلعت المساعده من غرفه الكشف جريت عليها و شرحت لها الموقف باستعطاف شديد وقلت لها ان الدكتور يعرفني . وبعد ما سالتني عن اسمي، دخلت للدكتور وبعد شويه خرجت بابتسامه وقالت لي :"الدكتور فعلا يعرفك هو قبل يشوفك ." وقعدت أنتظر لما ينده على اسمي . و أنا قاعده ما بطلتش أفكر إن الحمد لله اخيرا مشكلتي هتتحل . طيب لو ما كانش الدكتور يعرفني ؟ لو كنت حد تاني هو ما يعرفوش ، كنت عملت ايه ؟ ولا أملك غير إني أشكر الطبيب الأعظم، اللى زيارته مجانيه ، اللي عنده كل التخصصات : عيون و ودان و قلب ، كشف و جراحه و استشاره ، و كمان طبيب نفساني . اللى علاجه اكيد ، اللي ممكن اروح له من غير ميعاد ، اللي هيستقبلني في أي وقت . و أهم من كل ده عارفني بالإسم مش لازم اسم العيله ، ولا واسطه من حد . معلق يافطة على عيادته مكتوب عليها : " تعالوا إلي يا جميع المتعبين .. من يُقبل الى لا اخرجه خارجا. " (مت ٢٨:١١ و يو ٣٧:٦ )

وكأنى فاقد حاسة الشم

رحت فى مرة اشترى برفان ، وكنت محتار فى نوع البرفان الي هشتريه فطلبت من الراجل انه يخلينى اجرب كذا برفان علشان اختار.

ورانى اول حاجة قلت له حلوة دى 212 بس ورينى حاجة تانى. ورانى نوع ثانى قلت له عارفها دى LAPIDUS حلوة اوى بس ورينى حاجة تانى. فورانى واحدة ثالثة قلتلة جميلة دى عارفها دى one man show بس برده عايز اشوف حاجة تانى يمكن الاقى احلى فورانى نوع رابع بس الغريب انى لما شمتها لقيت نفسى مش عارف اميز الريحة او يعتبر مش شامم حاجة اصلاً .

وكأنى فاقد حاسة الشم لانى حاسس انى شامم الــ 3 روايح الأولى مع بعض ومش قادر اميز اصلاً الريحة الجديدة فلما البياع عرف كدة قالى خلاص حاسة الشم لخبطت من قوة البرفانات اللى شمتهم والحل موجود، لقيتة طلع برطمان فية بن وقالى شم كدة .

انا قلقت منة وقلت له مش هشم اى حاجة وخلاص وبعدين ده بن يعنى ريحته مر زى طعمه اشمه ليه ايه فايدته. فرد عليا وقالى لازم تكسر الروايح الحلوة اللى شمتها بحاجة مرة زى البن علشان تقدر تميز تانى الروايح . وفعلا لما شميت البن ورجع ورانى الريحة الرابعة تانى عرفتها واستغربت اوى انى مميزت الريحة دلوقتى ومكنتش قادر اميزها من الاول مع انه من اكتر البرفانات اللي بحبها وعارفها.

نفس اللى بيحصل معانا بالظبط فى كل مواقف حياتنا مع ربنا : دايماً من كتر ما ربنا بيدينا حاجات حلوة كتير وناخد عليها، شوية شوية بننسى ان هو اللى اداهلنا من كتر التعود على الحلو.

لكن اوقات بنقابل فى حياتنا شوية متاعب او لخبطه ( بتكون مرة زى البن كدة بالظبط ) ، ودى اللى بتخلينا اول ما ربنا يبعت حاجة حلوة تانى بنحس بايده وبعمله معانا ونرجع نحس بالحاجات الحلوة اللى حوالينا من تانى.

ولما تركز فى عمله وحبه ليك هتسمع صوته بيقولك:

"صِرْتَ عَزِيزًا فِي عَيْنَيَّ مُكَرَّمًا، وَأَنَا قَدْ أَحْبَبْتُكَ" (سفر إشعياء 43: 4)

تأليف : استاذ جرجس رابح

جيمّا ملكة الملائكة

لطالما أحبّت جيمّا ملكة الملائكة السماوية حبًّا شديدًا، التي، بثقة عذبة، أطلقت عليها اسم “أمّي الحبيبة”. بعد أن تُركت يتيمة بوفاة أمها الأرضية في سنوات طفولتها، عوّدت نفسها بعد ذلك ألا تعترف بأي أمّ سوى مريم، وكانت دائمًا تتصرف على أنها ابنتها المخلصة والمُحِبّة. بعد يسوع، كان كل قلبها لمريم.

أمي الحبيبة، سأحبك دائمًا وإلى الأبد

اعتادت أن تقول: “آه كم أُحبّ أمّي، هي تعلم ذلك. يسوع ذاته أعطاني إياها، وقال لي أن أُحبّها كثيرًا. وأي خير عظيم أظهرته لي هذه الأمّ السماوية دائمًا! ماذا كان سيحدث لي، لو لم يكن لديّ أمّي؟”

“لقد ساعدَتني دائمًا في احتياجاتي الروحية؛ أنقذتني من مخاطر لا حصر لها؛ حرّرتني من يد الشيطان الذي كان يأتي بلا توقف لمضايقتي؛ توسّلَت ليسوع من أجلي ودافعت عني عندما أخطأت، وقد هدّأَته عندما أغضَبتُه بسبب حياتي الشريرة؛ وعلّمتني أن أعرفه وأحبه، وأن أكون صالحة وأُرضيه. آه، يا أمي الحبيبة، سأحبك دائمًا وإلى الأبد”.

كانت هذه التعبيرات وما شابهها من المودّة الرقيقة في قلب القدّيسة جيما غلغاني وعلى شفتيها، وكانت تتحدّث عنها باستمرار في رسائلها. فهل كان من الممكن لأمّنا القديسة إذن ألا ترُدّ مثل هذا الحب العذب مائة ضعف؟ أعطت جيمّا نفسها لمريم ومريم لجيمّا.

ما لا تعرفه عن مارجرجس و التنين؟

ما لا تعرفه عن مارجرجس و التنين؟

يُحكى أن كان هناك تنينا يسكن فى عشة بجوار بئر المياه الوحيدة فى إحدى القرى بفلسطين، التى كان يسكنها القديس مارجرجس، الذي كان وقتها جنديا وقائدا للجيش الروماني، وكان الأهالى يقدمون كل يوم خروفا لهذا التنين لكي يخرجوه من العشة حتى يستطيعون ملء المياه من البئر.

وحينما نفدت الخرفان من القرية، فكر الأهالى فى أن يقدموا له فتاة شابة ليأكلها، وبالفعل قدموا له الفتاة، ولكن مارجرجس أنقذها من فم التنين وجاء بحصانه وطعن التنين بالحربة فمات، وذلك أمام أعين جميع من في القرية الذين شاهدوا شجاعة القديس أمام التنين الذى ظل يرعبهم لسنوات طويلة.

ويحتفل المسيحيون فى كل أنحاء العالم غدا الثلاثاء الموافق 1 مايو من كل عام بعيد استشهاد القديس مارجرجس الروماني الذى ولد عام 280 م فى مدينة اللد بفلسطين من أبوين مسيحيين من طبقة النبلاء، وعندما توفى والده قامت أمه بتربيته تربية دينية حسنة حتى بلغ السابعة عشر من عمره فالتحق بالجندية وترقى حتى شغل منصب قائد الجيش الروماني أيام حكم الملك دقلديانوس، الذي منحه لقب أمير والجنسية الرومانية وأغدق عليه بالكثير من الأموال والهدايا منها الحصان الأبيض الذي يظهر به فى كل الصور والأيقونات المسيحية.

إعجاب الملك بالبطل الروماني أثار الحقد والكراهية من المقربين الوثنيين للملك، ففكروا في التخطيط لإشعال الفتن بينه وبين الملك والمسيحيين بجعله يصدر مرسوماً يعلن فيه الحرب على معتنقي الديانة المسيحية وتعذيبهم وحرق كنائسهم، وحينما علم الأمير جرجس بهذا البيان قام بتمزيقه لما فيه من ظلم جامح، فأمر الإمبراطور دقلديانوس بتعذيب هذا القديس بجميع أنواع آلات التعذيب لمدة سبع سنوات متتالية لذا سمى بأمير الشهداء.

وخلال فترة تعذيبه آمن بالعقيدة المسيحية الكثير من الرومان، منهم زوجة الإمبراطور ألكساندرا وعندما يئس دقلديانوس من الأمير لتمسكه بعقيدته أمر بقطع رأسه عام 303 م، وهو في عمر ثلاثة وعشرين عاماً وبعد استشهاده نقل جثمانه إلى مدينة اللد بفلسطين.

بائعة التفاح

كان بعـض رجـال الأعمـال عـائدين إلى بيـوتهم بعد إنتهاء مؤتمـر مهنـي اشتركـوا فيـه. وكانـوا مسـرعين ليصلوا إلى المطـار قبل موعـد الطائرة لأنهم كانـوا قد وعـدوا عـائلاتهم بالوصـول إلى البيـت قبـل العيد. من كثـرة العجلة اصطدم أحدهم بفـرشٍ لبيـع التفـاح وأوقعـه على الأرض فانتثـر التفـاح في كل إتجـاه. لم يتوقـف منهم أحد إلا واحد ، عاد أدراجـه بعـد أن أوصى رفاقـه أن يتصلـوا بزوجتـه ويقـولـوا لها إنـه سيعـود على متن الطائرة التالية.

عاد أدراجه ليساعد بائعة التفاح فوجد أنها فتاة في السادسة عشـرة جالسـة تبكـي وهي عميـاء. انحنى وجمع التفاحات ووضعها على الفرش. وفيما هو يجمعها، لاحظ أن بعض التفاحات تضررت من سقوطها فجمعها في سلة أخرى. ثم أخرج مالاً و أعطاه للفتاة معتذراً عن الضرر الذي وقع. و همَّ بالرحيل. استوقفته الفتاة وسألته: يا سيدي، هل أنت يسوع ؟ فارتعد الرجل وتوقف ولم يصدّق أذنيه. هل ظنّت الفتاة فعلاً أنه يسوع ؟

إن كانت حياتنا وتصرفاتنا مثل حياة يسوع وتصرفاته، لن يعرف الناس الفرق. إذا ادّعينا أننا نعرف يسوع فلا يكفي أن نعرف آيات و أحداثاً من الإنجيل و أن نذهب إلى الكنيسة، بل علينا أن نحيا ونتعامل مع الناس كما تعامل هو يوماً بعد يوم

حياة الشكر

كان مر أمين خدمة بيخدم قري فقيرة من قري الصعيد بيعملهم افتقاد أو ولو عايزين اي حاجه يجيبهلهم فراح لست فقيرة جدا حتي احتياجاتها البسيطة مش عندها ولا عندها سرير مثلا او دولاب أو حتي مرتبة ولا بتوجاز ولا أي حاجة بتنام علي مسطبة (طوب مبني فوق بعضه زي سرير) وفوقيه حصيرة وعباتين صيفي واتنين شتوي وكوبيتين وطبقين هما دول بس اللي عند الست الغنية بشكرها لربنا دائما علي خيره فأمين الخدمة بيقولها عاملة ايه قالتله نشكر ربنا أشكره علي أيه ولا أيه وهي بتشاور پأيدها بقيت ابص بعيني هي أيه الحاجة أصلا اللي بتشكري عليها فروحت قولتلها محتاجه حاجه نجيبهلك قالتلي خيره مغرقني فرديت من جوايا هو فين خيره ده رحت مطلع فلوس ايدهلها قالتلي انا مش محتاجه ايدهم لناس تاني محتاجه أحق مني ولا علشان انتم الكنيسة أطمع فيكم رجعت وكأني مخبوط علي رأسي ازاي يااااارب ده انا عندي حاجات كتييييير وكل شوية أقعد اتذمر واشتكيلك وأقولك انت فين يااااارب وهي بتشكر ومعندهاش ولا حاجة فعلاً يااااااااارب الغني غني النفوس مش غني الفلوس أدينا يااااارب حياة الشكر علي كل حاجه بتعملهنا

من الموت ينقذهم

كان هناك شاباً يعملُ مرشداً سياحياً في منطقة شلالات نياغارا الشهيرة، وفي أحد أيام عُطلته دخَل قاربه وتمدد فيه ليستريح قليلاً من تعب أسبوع شاق ومرهق لكن غلبه النعاس، واذ لم يكن قد أحكم ربط القارب بالصخرة القربية اليه، انحل الحبل من على الصخرة وتحرك القارب مع تيار المياه، وظل يبتعد شيئاً فشيئاً الى أن رأته مجموعة من الناس كانت هناك تتمتع بمناظر المياه وغزارتها الشديدة، فبدأت المجموعة بالصراخ والنداء عليه حتى يستيقظ ويعود، قبل ان يسير القارب في اتجاه اللاعودة، لم يكن ذلك الرجل يسمع أي شيء من الصراخ، فقد كان مثقلاً بنوم عميق ولم يستيقظ، اقترب القارب في سيره مدفوعاً بالتيار الى جوار آخر صخرة في الطريق الى الشلالات في هذا الوقت بالذات ضاعف الناس من صراخهم، فهذه الصخرة هي الأمل الوحيد الباقي لذلك الرجل، ونادوا بأعلى أصواتهم، ها هي الصخرة، ها هي الصخرة.

لكن ذلك المرشد لم يستجب الى صراخ النّاس لهُ، واستمرَّ القارب في حركتهِ باتجاه الشلالات الجبّارة، وعندما فقد الناس الأمل في نجاة ذلك الرجل، وأخذهم الحزن بسبب عدم تمكُّنهم من انقاذهِ، وفي نظرات آسفة على القارب الذي يحمل الرجل الى مصيره المشؤوم، واذا بالناس يفاجأون بتوفق القارب عن السير، وثباته في موقع معيّن أخذتهم الحيرة لما حصل، ووسط دهشة الناس على ما حدث، ذهب أحد المرشدين السياحيين مسرعاً الى قاربه واستقلّه بسرعة ليصل الى الرجل قبل ان يأخذه التيار من جديد، أبحر اليه وعندما وصل الى القارب وجد الرجل ما زال نائما فيه وهو لا يشعر بأي شيء مطلقاً فأيقظه من نومهِ، استيقظ المرشد ونظر الى المكان الذي وصل اليه دون أن يدري، وعندما نظر الى الأسفل وجد صخرة مغمورة بالمياه غير ظاهرة للعيان ارتكزت عليها مقدمة القارب بإحكام عندها شكر الله جدا على حمايته وحفظه له من موت محقق.

صديقي القارئ: قد لا ترى عينك غير الطرق و الوسائل المتاحة للحفظ من خلال ما هو مرئي وظاهر للعيان، لكن عند إلهنا طرقه الخاصة لحفظنا وحمايتنا، وهو من قال أعلّمك وأرشدك الطريق التي تسلك بها، أنصحك عيني عليك (مز 32 : 8)، وان كنّا نياماً لا نشعر بالخطر المحيط بنا يبقى هو الذي لا ينعس ولا ينام يحرسنا ويحفظنا كحدقة العين.

ها عَينُ اللهِ تَسْهَرُ عَلَى خائِفِيهِ،

يَرْعَى الَّذِينَ يَتَرَقَّبُونَ مَحَبَّتَهُ الصّادِقَةَ.

مِنَ المَوْتِ يُنقِذُهُمْ،

وَفِي المَجاعَةِ يُحيِيهِمْ.

(مزمور 33 : 18 – 19)

لاَ يَدَعُ قَدَمَكَ تَزِلُّ. لاَ يَنْعَسُ حَافِظُكَ.

الرَّبُّ هُوَ حَافِظُكَ، الرَّبُّ سِتْرٌ لَكَ عَنْ يَمِينِكَ.

(مزمور 121 : 3 . 5)

يسوع قرر يبقى انت

حصلي حلم غريب أوي ..

مش عارف حتى أبدأ من فين ولا أقول ايه

بس هحكيه زي ما حصل بالظبط ...

انا كنت بحلم بإني قاعد عادي قصاد التليفزيون بتفرج و بقلب فى القنوات على أمل الاقي حاجة اتفرج عليها ...

فجأة لقيت إعلان ظهر و بيطلب متطوعين

اجازة لمدة يوم ...

يسوع قرر يبقى انت .. هيعيش فى بيتك و بنفس ظروفك و مش هيغير حاجة خالص ..

هو و بس هيعيش بقلبه فيك

و قررت اقبل العرض ده

هلاقي راحة زي كده فين ؟

و فعلا يسوع صحي الصبح و هو ماشي للشغل لقى مسكين على الطريق كنت دايما بتجاهله ، لكن يسوع عطف عليه

و لما شاف عدوي اللى دايما انا و هو فى صراع ، اخده بالحضن و سلم عليه

حتى فى عزومة العيلة الناس لقيت شخصية تانية أهدى مش بتتعصب و بتضحك أكتر ..

و فى اخر اليوم يسوع قالي .. حبيبى انا قابلك زي ما انت و بحبك اوي

لكن مش عايز اسيبك كده ..

نفسي قلبك يبقى زي قلبي 

اللوحة باظت

افتكر ان كان فيه رسام ..
رسم لوحة جميلة اوي اوي عشان تتحط فى قصر الملك و بعد ما رسمها و خلصها، العمال اللى بينقلوها خبطوها و حصل فيها تلف ..
جاب الملك ناس كتير عشان تصلحها و ترجعها زي الاول ، لكنهم فشلوا..
فا رجع الملك يدور على الرسام الأصلي عشان هو الوحيد اللى هيقدر يرجعها لصورتها الأولى الاصلية..
و هو ده اللى سمعته من ابونا النهاردة فى الوعظة و خلاني اسأل نفسي ، اشمعنا يسوع وحده ؟!
و فضلت افكر لحد ما رجعت لأصل الحكاية ، أبونا آدم و أمنا حواء ..
لما خالفوا الوصية و ساعتها نالوا عقوبتهم الموت و الانفصال عن الله و الله خرجهم بره جنة عدن ..
لكن على الرغم من ان الله كان زعلان على مخالفتهم للوصية و انهم افترقوا عنه و الخطية بقت فى كل ذريتهم اللى ملأت الأرض، كان برضه بيدور على حل عشان يرجعوا تاني لحضنه و هناه و مجده
فا وجد الله إنه عشان عقوبة الموت دي تُزال، لازم يموت حد عنهم بس ليه أكيد شروط ، ما هو مش أي حد أكيد ؟؟ طيب يا ترى ايه هي الشروط دي ؟؟
١) أن يكون بلا خطية البتة .. و مفيش حد بلا خطية غير الله وحده لانه بار و كامل و كلي الطهارة .
٢) أن يكون غير محدود .. و الله وحده هو مالئ كل مكان فى السما و الأرض.
٣) أن يكون قابل للموت.. حتى يفدي الانسان.
٤) أنه لازم يكون انسان عشان ينوب عن كل انسان خاطئ.
و رجعت أتلخبط تاني ...؟؟ 
ايه ده يعني لازم يكون الله و انسان ؟؟
الاتنين مع بعض ؟؟؟
طب ازاي ؟!
ثانية واحدة يا صديقي قبل ما تتلخبط زيي ..
الله عشان بيحبنا أخد طبيعتنا و نزل هو بنفسه متجسد من العذراء مريم .. يعني بقى إله و انسان فى شخص واحد .. زي ما ابونا بيقول فى القداس " لاهوته لم يفارق ناسوته لحظة واحدة ولا طرفة عين "
و بكده يكون توافر فى الله فقط كل الشروط عشان كده جه و فدانا بدمه على الصليب و بالموت غلب الموت و بقينا أحرار بقيامته المقدسة .
" لأنه هكذا أحب الله العالم حتى بذل ابنه الوحيد لكي لا يهلك كل من يؤمن به "

حارس القبر يشك فى ظهور النور المقدس

حارس القبر يشك فى ظهور النور المقدس :

فيختبئ فى القبر المقدس !!

في عيد الفصح عام 1980سجّل الكاهن القبرصي سافاس أشيليوس في كتاب رأيت النور المقدس في تلك السنة عن الأب ميتروفانيس الذي يبلغ من العمر ثمانين عاما ، وكان أنذاك يبلغ 56 سنة عندما كان حارس للقبَّر المقدّس.

سعى الأب ميتروفانيس لفترة طويلة وأثناء تنظيفه سقف قبة القبر اكتشف استراحة صغيرة حيث تناسب بالكاد جسد رجل وكان هو المكان الوحيد للاختباء من أجل مراقبة وصول النور المقدس.

بقي صامتا لمدة 12 ساعة. معه كان لديه القليل من الماء وعدسة صغيرة ، والتي استخدمها في الساعة 11 صباحا عندما تم إغلاق المقبرة بشمع النحل وترك وحده في الظلام.

بعد ساعة تم إغلاق باب القبر وفي الوقت المرتقب دخل البطريرك اليوناني.

فوصف ما حدث بعد دخول البطريرك ، تمامًا كما أخبرهم.

انحنى البطرك في الغرفة في تلك اللحظة بالذات كنت بحالة قلق واثارة وصمت رهيب حتى أنني كنت أسمع أنفاسي فسمعت فجأة صافرة خفيفة.

بدا وكأنه ريح دقيقة من الرياح. وعلى الفور رأيت منظرًا لا ينسى ، ضوءًا يملأ المساحة المقدسة الكاملة للقبر المقدس ....

قلقت من ذلك الضوء الأزرق الفاتح ، الذي من خلاله رأيت بوضوح وجه البطريرك الذي كان يتصبب عرقا.... وعلى الفور بدأ الضوء يتحول إلى ضوء أبيض بالكامل كتجلي المسيح. ثم تحول ذلك الضوء الأبيض بالكامل إلى كرة خفيفة كالشمس ، التي ظلت غير ثابتة على رأس البطريرك. ثم رأيت البطريرك يحمل أكوام 33 شمعة. وعندما رفع يديه ببطء أضاءت الغرفة المقدسة وشموعه تلقائياً. في تلك اللحظة كانت عيناي مملوءتان بالدموع وجسدي مليء بالدم "

الأب ميتروفانيس حارس كنيسة القيامة

قام و غلب الموت

من قبر فارغ لقبر مليان بالنور الإلهي ... أقدس و اجمل قبر فى التاريخ ...

كنت حتة صخرة ملهاش قيمة و فجأة جه واحد اسمه يوسف الرامي .. جاب نحاتين و قعدوا شكلوني و خلوني اخر شياكة ...

أصلي هبقى قبر لواحد من الاغنيا و علية القوم ...

قعدت فترة طويلة فاضى بدون قيمة ...

بس حصلتلي اجمل حكاية ..

فجأة من يومين جم جماعة من اليهود و معاهم يوسف الرامي ، شايلين جسد واحد بيقولوا انه بار و بيقولوا برضه انه إله و بيقولوا برضه انه ملك اليهود..

جايين بأطياب و حنوط كتير اوي و قبلها سبقاهم دموعهم و اوجاع قلبهم..

و اتقفل بابي عليه و على بابي حراسة مشدده ... و عم السكون، لحد ما فجر اليوم التالت ...

حدثت زلزلة عظيمة و صوت مهيب من السما ، كأن جيش عظيم من بره واقف على بابي و إذ فجأة نور عظيم قوي و لامع فج جوه قلبي ... لقيت الجسد ده قام من الموت .. بمنظر بهيج و مرهوب جدا ...

و الحجر الكبير اللى على بابي اتفتح من رئيس جند الملايكة ...

قام يسوع من الموت ... قام و غلب الموت .. قام و محى ذنوب كل البشر بقيامته...

و لحد دلوقت كل سنة النور المقدس لسه بيخرج من جوفي الفارغ و ينير بنور القيامة المقدسة .. يعلن لكل العالم ان يسوع المسيح حي .. يسوع المسيح قام .. و ليس للموت غلبة بعد الآن..

المسيح قام بالحقيقة قام

Ⲭ̀ⲣⲓⲥⲧⲟⲥ ⲁⲛⲉⲥⲧⲏ

Ⲁⲗⲏⲑⲱⲥ ⲁⲛⲉⲥⲧⲏ

سمعان القيرواني

سمعان القيرواني:

هو الشخص الذي نال شرف حمل الصليب قليلاً عن المسيح و ذلك بدء غالبا من بوابة المدينة و حتي الجلجثة

واضح من اسمه أنه ليس من سكان اليهودية ، و لكنه من القيروان

هناك قصة تقول إن سمعان القيرواني عاد مجهدا ، و سأله ولداه عن سبب تعبه ، و انزعجا عندما علما أنه حمل الصليب ، و لكنه أخبرهم بأنه صليب يسوع الناصري ، و سمعان كان يمكنه الأفلات من ذلك بطريقة ما و لكن منظر المسيح اثار شفقته .

و في الليل جاءه يسوع فى حلم بهاء يفوق بهاء الشمس ، و طوبه بأنه بار و أن الصليب الذي حمله سيتحول إلى مجد ، فقام من النوم تغمره السعادة لم يعرف لها مثيل .

تحول بعد ذلك سمعان إلى واحد من خمسة قادة فى الكنيسة فى أنطاكية .

حنَّان و قيافا

احنا حنَّان و قيافا

قيافا ده يبقى جوز بنتي .. و انا حماه

احنا هنا رؤساء الكهنة ..

الكلمة الأولى و الأخيرة لينا احنا و بس او بالأخص انا حنَّان...

كل اللى حصل و باختصار .. ان يسوع جاي عشان يقلب الشعب ضدنا..

بيقول و بيعيد كلام غريب عن مسامعنا و تفكيرنا..

و بصراحة أكتر فى مده قصيرة بقى بطل شعبي و ناس كتير من الشعب ماشيين وراه و كده انا هيبقى شكلي وحش ..

حاولنا كتير نوقعه فى الغلط و نثير فتنة الشعب ضده ، لكنه كان بيجاوب بثبات و هدوء غير معتادين..

حاولنا ندبرله المكايد و المؤامرات لكن مفيش فايدة ..

لحد ما قبضنا عليه بتهمة انه ملك اليهود ..

و جبناه استجوبناه و قولناله : انت المسيح المنتظر ؟

و رد علينا بعد ضغط كبير : انا هو و هتشوفوني و انا قائم بكل مجد و بهاء جنب أبي فى السماوات و جاي بمجد عظيم على السحاب . ..

بقى يا ناس ياهو أسمع الكلام ده و استحمل ازاي ؟؟ ده تجديف رسمي ..

ده انا شقيت هدومي من اللى سمعته لدرجة عملناله محاكمه بالليل ، اه ده ضد مبادئ السهندريم، بس مش مهم المهم اسجنه عشان أرجع احكم فى الشعب تاني ... السلطة و النفوذ ليهم بريقهم فعلا ، و أي غلطة او شغب هتشال من منصبي اللى هو رئيس الكهنة ...

و لما بيلاطس لقى ان يسوع برئ قلتله ده مثير شغب و هيقلب نظام الحكم عليك..

ما هو انا هسجنه هسجنه..

المرأة ساكبة الطيب

المرأة ساكبة الطيب

قاروره الطيب هي ثمن اللي دفعته المراه الخاطئه عندما دهنته على قدمي السيد المسيح وهي غارقه بالدموع التي عبرت عن ندمها على ما فعلته من خطايا واغرقت تلك الدموع قدمي المسيح فمستحهما بشعرها وهي منحنية الرأس أمامه

فقصة المرأة الخاطئة ذكرها الأناجيل الأربعة متي_مرقس_لوقا_يوحنا ولكنهم لم يذكروا أسمها فهذة المراه جاءت الى بيت احد الفريسيين الذي دعي يسوع ووضعت نفسها عند قدمي السيد المسيح باكيه واخذت تبل قدميه بدموع يصاحبها الندم وتمسحهم بشعر راسها وتقبلهما وتدهنهما بالطيب بالطيب

ولما تعجب الفريسي من تصرف المرأة ومن سماحه السيد المسيح رد المسيح على افكاره الصامته بمثل قائلا كان لمدين مديونان على الواحد 500 دينار وعلى الاخر دينار 50 واذ لم يكن لهم ما يوفيان سامحهما جميعا فقال ايهما يكون اكثر حبا له فقال الذي احب اكثر

والمعنى المقصود بالمثل ان الفريسي أستقبل السيد المسيح بفتوروبدون علامات التكريم التي كانت جزءا من طقوس وواجبات الضيافه وهي غسل الأرجل والتقبيل والدهن بالزيت المعطر وطبعا في اختلاف كبير جدا ما بين محبه الفريسي وبين محبه المرأة الخاطئه لذلك قبل السيد المسيح توبه المراه الخاطئه وغفرلها خطاياها

وفي معلومه مهمه لازم نعرفها ان القديس لوقا أكد أن المرأة الخاطئه ما كنتش هي مريم المجدليه

قصة نيقوديموس

انا نيقوديموس

من أغنى أغنياء اليهود و عضو فى السهندريم.. من رؤساء الكهنة..

و أهم صفة اني من نسل ابراهيم ... أصل و فصل و أشرف أي حد ..

لحد ما قابلت يسوع ... تفكيري كله اتلخبط..

اصلي سمعته بيقول ان فيه ولادة تانية ، بالذمة ده كلام مين يفهمه؟

انا كنت بحب يسوع جدا و كنت مؤمن بيه و مصدقه ، بس كنت تايه مش عارف امشى ازاي ؟؟

فكرت اني أروح اقابله بعد منتصف الليل و الدنيا هس هس و مفيش حد هياخد خبر بالزيارة دي .سمعت ان فيه ولاده تانية و ان مفيش خلاص الا لما يُرفع ابن الانسان على خشبة ؟

طيب بالذمة واحد شيخ زيي هيدخل بطن أمه ازاي من تاني !!

لكن يسوع لما حكى معايا عن كل ده و فهمني ان الولادة التانية دي من المعمودية

ولادة من الروح ، عرفت اني قدام المسيا المنتظر..

صدقوني حاولت أغير حكم بيلاطس و حاولت أقنع السهندريم برؤساء الكهنة اللى فيه بإن يسوع برئ بس محدش سمعني ، بالعكس دول قالولي انت بقيت تبعه .. بصراحة انا خفت يمكن كمان كنت جبان..

لكن لما كملت الأحداث و لقيت يسوع اتصلب .. جريت انا و يوسف الرامي صديقي كلمنا بيلاطس ناخد جسد يسوع ..

و بسرعة رحت اشتريت ١٠٠ رطل من الحنوط عشان أطيب جسده ..

و كسرت خوفي و قلت اني آمنت بيه مخلص و فادي للبشرية..

فقدت كل ثروتي و مركزي الاجتماعي عشان خاطر اكون معاه فى الحياة الأبدية.مركزي حساس يا جماعة ..

لكن بالزيارة دي عرفت و سمعت فيها حاجات عجيبة جدا

حصل اية في اتنين البصخة؟

اتنين البصخة
حدث فى هذا اليوم أمــــــــران :
 لعن شجرة التين
وتطهير الهيكل .
١- لعن شجرة التين :
( متى 21 : 18 – 19 ) ، ( مرقس 11 : 12 – 14 ) .
خرج السيد المسيح من بيت عنيا قاصدا أورشليم وفى الطريق جاع إذ لم يكن قد تناول طعاما حين غادر بيت عنيا ، وبالقرب من أورشليم رأى عن بعد شجرة تين مورقة ، .... وظهور الأوراق المبكر للشجرة يعنى أن يكون مصحوبا بظهور الأثمار ، ولكن لما تقدم السيد المسيح منها طالبا أن يأخذ منها ثمرا لم يجد ، فغضب عليها ولعنها .... والتينة هنا رمز للأمة اليهودية التى لها صورة التقوى ولكن بدون ثمارها ،
وهى أيضا مثال المرائى الذى يظهر على غير حقيقته ، وبمجرد أن لعنها السيد المسيح بدأت أوراقها فى الذبول حالا.
٢- تطهير الهيكل : ( متى 21 : 12 – 17 ) ، ( مر 11 : 15 – 19 ) ، ( لو 19 : 45 –48 )
+ دخل يسوع الهيكل حيث طهره من الباعة ، وقد كان قيافا وحماه حنانيا بمساعدة رؤساء الكهنة يؤجرون أروقة الهيكل للباعة وللصيارفة ، الذين كانوا يقومون بتغيير العملات المختلفة إلى العملة المقدسة التى تستعمل فى الهيكل وهى الشاقل ( وهى خالية من أى صور شخصية ) ...
نرى السيد المسيح الذى لا يصيح ولا يسمع أحد فى الشوارع صوته ، نراه هنا يثور ويطرد الباعة وقلب موائد الصيارفة صائحا فيهم : " مكتوب أن بيتى بيت الصلاة يدعى ، وأنتم جعلتموه مغارة لصوص " . " هل صار هذا البيت الذى دعى أسمى عليه مغارة لصوص فى أعينكم " .
ولعل الضرر المادى الذى لحق بقيافا وحنانيا والكهنة من تصرف السيد المسيح مع الباعة على هذا النحو ، كان من بين الأسباب التى دعت هؤلاء القوم إلى محاولة التخلص من السيد المسيح ، وتلفيق التهم الدينية له لمحاكمته .
و هذا التطهير للهيكل هو غير التطهير الذى قام به رب المجد فى أول خدمته والمذكور فى انجيل القديس يوحنا ( يوحنا 2 : 13 – 17 ) . " وكان فصح اليهود قد اقترب ، فصعد يسوع إلى أورشليم ، ووجد فى الهيكل باعة البقر والغنم والحمام ، والصيارفة جالسين إلى مناضدهم . فصنع سوطا من الحبال ، وطردهم من الهيكل مع البقر والغنم ، وكب نقود الصيارفة وقلب مناضدهم . وقال لباعة الحمام : " ارفعوا هذه من هنا ولا تجعلوا بيت أبى تجارة " فتذكر تلاميذه أنه مكتوب :
" إن غيرة بيتك أكلتنى " .
كذلك أجرى السيد المسيح بعض المعجزات فى الهيكل ، والتف حوله الأطفال وهتفوا له مما أثار حنق وغيرة رؤساء الكهنة ... ودعتهم للهجوم عليه ، فرد عليهم : " أفما قرأتم قط
أن من أفواه الأطفال والرضع اعددت تسبيحا "
وظل فى الهيكل طوال اليوم يعمل ويعلم ، ولم يستطع الكهنة الأمساك به لإلتفاف الشعب حوله .

هو شجرة التين اتلعنت ليه ؟؟

النهاردة هنبدأ باول قصة معانا في حواديت اورشليم

هو شجرة التين اتلعنت ليه ؟؟

في صلاة سحر الإثنين العظيم (نرتلها مساء أحد الشعانين)، نصغي من بين عدَّة أمور إلى قراءة الإنجيل كذلك أيضاً إلى التراتيل عن عجيبة شجرة التين التي يبست.

بالتأكيد نسأل أنفسنا: "ما علاقة هذا الحدث بالإثنين العظيم؟" بالطبع هو مرتبط لأنَّه حصل يوم الإثنين قبل الآلام.

لذلك عندما دخل المسيح إلى أورشليم في هذا اليوم (حيث أمضى الليلة الفائتة في بيت عنيا موطن لعازر)، جاع على طول الطريق.

"لا يكن منك ثمر بعد إلى الأبد!" (مت21: 19). النتيجة؟ "يبست شجرة التين في الحال" (مت21: 19). عندما رأى ذلك التلاميذ تعجَّبوا وسألوا:

"كيف يبست شجرة التين في الحال"؟

تخيَّل شجرة تين كبيرة وخضراء خارج منزلك وفي لمح البصر ذبلت أمام عينيك!

لا يمكن أن نجد أيّ "حياة" فيها. لا أوراق أو أغصان مثمرة. ألن يصدمك هذا؟

لم يلعن المسيح التينة بداعي الانتقام لأنَّها لم تكن تحوِ تيناً ليأكل، ولكن في عشية آلامه أراد أن يرسل رسالةً إلى الذين يطالبون بصلبه لكي يستيقظوا.

كانت شجرة التين على الطريق العام وعلى الأرجح علِم الجميع بها. وفي هذه الأيَّام المقدَّسة يمرُّ بجانبها مئات اليهود الآتين إلى أورشليم للإحتفال بالفصح.

فجأةً رأوا شجرة التين الخضراء التي كانوا يعرفونها قد ذبلت! وقد شعروا بالقلق!

وبالتأكيد كانوا سيقولون: "حتَّى الآن لم يقل المسيح إلاَّ بركات ولكن الآن رأيناه يقول لعنات! تماماً كما أذبل شجرة التين يمكنه أيضاً أن "يذبلنا" (يعاقبنا)، نحن الذين نفكِّر بصلبه. فلنكن حذيرين".

ولكنهم لم يكونوا حذيرين! ولا حتَّى قليلاً: "لأنه لم يكن وقت التين" كما دوَّن مرقس الإنجيليّ (مر11: 13).

عرف المسيح أنَّه لم يكن موسم التين. مع ذلك بحث عن التين في هذه الشجرة في هذا الوقت "غير المناسب".

من خلال هذا العمل أراد أن يعلِّم كلَّ خدَّامه الذين يؤمنون به أنَّه لا يجب التصرُّف مثل شجرة التين التي تحمل ثمراً مرة في السنة، وبقية العام لا تحمل ثمراً أو أوراقاً.

يجب أن نكون مختلفين عن شجرة التين. يجب توجيه كلَّ أفكارنا ومشاعرنا وأعمالنا وتصرفاتنا صوب المسيح، وأن نحمل أثماراً، لا فقط في نهاية حياتنا أو مرة في السنة على سبيل المثال في الأسبوع العظيم.

لأننا لا نعلم موعد موتنا ..! ثمَّ ماذا؟

"كل شجرة لا تصنع ثمراً جيِّداً تُقطَع وتُلقى في النار" (مت3: 10)

(الأرشمندريت باسيليوس باكويانِّيس)

دخول المسيح اورشليم

مل

يحكى أن ملكًا عظيمًا أراد أن يدخل بلدًا ما ، و سمع أهل البلد بإقتراب مجيئه ففرحوا بالخبر جدًا .

فبدأوا بالإستعداد و تجهيز أنفسهم لإستقبال الملك ، منهم من أشترى ثيابًا جديدة ، و منهم من أعد الأطعمة الشهية و أيضا من نظف و رتب بيته استعدادًا لهذا الحدث الجلل .

و بعد عدة أيام قليلة .. حل اليوم المنشود ، إنه يوم مجيء الملك و بدأت الحشود فى القدوم لمدخل المدينة و قاموا بتزيينه و فرش الاقمشة الملونة و الورود و سعف النخل احتفالًا بالملك ، و لكن نظرا لتزاحم الحشد تأخر الملك بسبب الزحام و بدأت الناس فى التملل من الانتظار ، فأخذوا يلعبون بالزينة و يتقاسمونها لعمل أشكال و ألعاب و يتشاركونها فيما بينهم ، حتى أن نسوا تماما أن هناك شخصًا عظيمًا سيأتي إليهم و يعيش معهم و هم معه .

و جاء الملك و رآهم يلعبون و يمرحون و يتقاسمون الزينة و منشغلون اكثر بما لديهم و ليس بمجيئه ، لا يلتفتون إليه ولا يشعرون بمجيئه.

نظر إليهم الملك و حزن جدًا ..

هذا تمامًا ما يحدث حينما يقترب ملك الملوك الرب يسوع من قلوبنا..

يجدنا مشغولين بأمورنا الأرضية و بمظاهر الاحتفال و نحن بعيدا عنه للأسف..

"اطلبوا اولا ملكوت الله و بره " مت ٦

قصة مريم اخت لعازر

انا مريم

هحكي ليكم حكايه يمكن كلكم عارفنها كويس

بس اللي هتكلم عنه النهارده انا في الحكايه دي

كنا ٣ اخوات عايشين مع بعض مالناش غير بعض انا واختي واخويا اللي كان مسؤل عننا

هو راجل البيت قد ايه كان بيهتم بينا وحنين علينا كان مسؤل عن كل حاجه في حياتنا

كان كل حاجه لينا انا واختي مرثا كان ديما هو السند والامان بالنسبه لينا كنا متكلين عليه في كل حاجه ومن غيره مانقدرش نعيش

كنا لسه صغيرين والمرض والموت بعيد عنا ولا عمره جه في بالنا

لكن في يوم مش معموله حساب وفاجاه بدون مقدمات مرض اخويا وتعب تعب الموت

كل حاجه كانت بتنهار قدامي الامان بيضيع الفرحه اتكسرت حاولنا نعمل اي حاجه انا ومرثا عشان يخف لكن الوضع كان بيسوء وخلاص مابقيناش عارفين نتصرف

وافتكرت يسوع وافتكرت معجزاته للشفاء ودب فيا الامل تاني ورغم بعد المسافه الا ان انا ومرثا بعتنا ليسوع هو قادر يشفي حتي وهو بعيد بكلمه واحده منه يطيب اي مريض

في وسط الآم الموت المرة بعتتا رسالة ليسوع : "يا سيد هوذا الذي تحبه مريض"ما طلبناش الشفاء للعازر وماطلبناش من يسوع أنه يترك خدمته ويجي في ظروفنا القاسية، بس انا كنت واثقه في حنيته وحبه لينا وكنت واثقه في انه بكلمه واحده منه وهو في مكانه يقدر يشفي ويبعد اي مرض وخطر.

وفات يوم ورا التاني ولعازر مش بيخف ومافيش اي رد من يسوع

ومافيش حاجه بتطمنا قد ايه احساس صعب لما تشوف حد بتحبه بيموت قدامك وانت مش قادر تتصرف اصل هتعمل ايه اصل مين له سلطان ع الموت

ومات لعازر ....

تخيلوا مات اخويا الوحيد ...

و دفنا لعازر في القبر وبدأ العزا وقد ايه كان في عدد كبير من اليهود بيعزونا

ماكنتش عارفه اتخيل ازاي كل ده حصل وفاجاه ازاي المرض والموت ياخده مننا

كنت ببكي انا ومرثا بشده وعدت اربعه ايام بعد موت لعازر قد ايه كانت ايام تقيله وصعبه

وسط ده جات مرثا قالتلي يسوع جه وانها قابلته

طلعت اجري بسرعه زي المجنونه لدرجه ان الناس افتكرت انه هروح ابكي عند القبر وناس كتير جروا ورايا

لكني وصلت عند يسوع وقعت عند رجليه بكيت بشده وقولتله«يَا سَيِّدُ، لَوْ كُنْتَ ههُنَا لَمْ يَمُتْ أَخِي»

وشفت يسوع متاثر بحزني انا ومرثا قد ايه كان رقيق وحنين القلب ماكنش قادر يشوف حزني وبكايا انا مرثا علي لعازر

وسأل عن مكان القبر ولما وصل عنده بكي ..

بكي علي موت لعازر اصله كان بيحبه

وطلب من الناس انهم يرفعوا الحجر وسمعت مرثا بتقوله " ده انتن اصل ده ليه اربعه ايام ميت"

و وقتها قَالَ لَهَا يَسُوعُ:«أَلَمْ أَقُلْ لَكِ: إِنْ آمَنْتِ تَرَيْنَ مَجْدَ اللهِ؟».

مافهمتش قصده ولا فهمت هو رفع الحجر ليه

كان الحزن مسيطر علي تفكيري

ووسط كل ده والحيره اللي احنا فيها من اللي بيحصل سمعت يسوع بيصرخ بصوت عالي: «لِعَازَرُ، هَلُمَّ خَارِجًا»

وزادت الحيره وزاد الاستغراب مين اللي يطلع الميت اللي بقاله اربع ايام في القبر معقول ده يحصل !!

معقول ممكن يطلع دلوقتي ماشي علي رجليه !! معقول ممكن يكون ده حقيقي!!

وفضلت عنينا علي القبر بين امل بتحقيق المعجزه وضعفنا وسيطره حزننا علينا

وبعد لحظات شفناه ايوه هو لعارز ايوه ده اخويا اللي مات من اربع ايام ماشي علي رجليه وطالع من القبر ملفوف بأقمطه.

اخويا رجع للحياة تاني ورجعت لينا حياتنا تاني ،بعد الموت حياة

ورجعنا بيتنا تاني انا ومرثا ولعازر رجع لينا الامان تاني

بس المره دي مش عشان بس لعازر معانا لكن بسبب المعجزه اللي حصلت غيرت حياتنا خلتنا نعرف الاله الحي

ونعرف محبته لينا وقوه وعظمه صنعه معانا

كانت تجربة صعبه لكنها عدت وخلصت بقوته هو ومحبته لينا تجربه كسرت فينا حاجات عشان نطلع منها اقوي

وخلتنا الباقي من عمرنا نتكلم عنها وعن يسوع ونبشر باسمه ديما

ونقول باعلي صوت " ليك كل المجد يا رب"

قصة لعازر

لعازر هو اسم عبرى مختصر من اسم أليعازر و معنى اسمه من يعينه الله

-وهو من مدينة بيت عينيا وله اختان هم مرثا ومريم.

وكان بيت لعازر واخوته مفتوح للسيد المسيد ليعلم ويستريح فيه.

-ولكن مرض لعاذر ومات ولم يكن يسوع موجوداً في بيت عينيا ، فأرسلت اختاه ليسوع ليخبراه فقط "يَا سَيِّدُ، هُوَذَا الَّذِي تُحِبُّهُ مَرِيضٌ"

لم يذكر لنا معلمنا يوحنا انهما طلبتا من يسوع ان يشفيه أو أن يترك خدمته ويأتي اليه. بل كانت رسالتهم له كصلاة قوية وصغيرة لكنها مليئة بالأيمان والتسليم.

- و لما عرف يسوع ان لعاذر مات قال لتلاميذة "لِعَازَرُ حَبِيبُنَا قَدْ نَامَ. لكِنِّي أَذْهَبُ لأُوقِظَهُ"

وما أن رأى ربنا يسوع دموع اختا لعاذر ، إلا وبكى هو أيضا لعاذر .

وعندما وصل ربنا يسوع عند القبر ونادى على لعاذر قام في الحال.

- يقول القديس أغسطينوس أن إقامة لعازر من الأموات ليس موضوع دهشتنا بل موضوع فرحنا. فليس من المدهش أن ذاك الذي يخلق بقوته أناسًا يأتي بهم إلى العالم أن يقيم ميتًا، لكنه أمر مفرح أنه يهبنا القيامة ويمتعنا بالخلاص.

- ومن الجميل أن تضع لنا الكنيسة سبت لعاذر في بداية أسبوع الآلام في يوم السبت السابق لأحد الشعانين ليكون أسبوع الآلام أوله قيامة وأخره قيامة.

يقيمك لو فشلت محاولاتك

انغمس شاب في متاهات الدنيا وانشغل في همومها، وكان يحب أن يأخذ المديح والتأييد من الأخريين كثيراً، وكان يفرح بها في لحظتها ثم يعود يتعطش الي الكلام مع الناس ويغوص في هموم الدنيا المتعبه،يحزن.. يتعب.. يضجر.. ينكسر.. يأخذ راحته وطبطبه الناس له الي حين، ثم يعود إلى اتعابه مره اخرى..

ففي ذات مره شعر بالوحده والاكتئاب وجعل نفسه يشكو حاله على مواقع التواصل الاجتماعي يقول للناس حالته ويعبر لهم عن اتعابه، فكان الذي يطمئنه والذي يؤيده والذي يؤنبه وهكذا....

ارتبط بتلك العاده جدا كل ما يشعر بباله شئ يشكو الي الناس ويستقبل منهم

عمره مااحس بالشبع و الارتياح الحقيقي وليس يدري بما تكون الراحة الحقيقيه؟؟ ذلك المسكين..

التجأ لطرق كثيره للتخلص من مشاكله وهمومه ولم يستطيع ابداً

تطورت حالته من انغماس لتعلق لارتباط حتى وصلت لظلام كامل. مفتوح العينين لكنه كان مغلق في محبته لغيره غارقا في عمل الشرور، محبا لذاته ومصالحه فقط..

تملك التعب منه واليأس وكاد ان يموت وتباعد عنه الناس وأصيب بالوحده

وكان يحتاج للمسه لمن يدله او لمن يخبره ولم يجد..

لم تتركه يد الله الحنونه هي التي تلامست معه وتحرر ونور ظلام حياته واستطاع بإرادة ان يتخلص ويقوم من كل الهموم وعرف ان الله هو المصدر الصحي الروحاني الحقيقي الذي يشفي من كل تعب..

تلك الحالات التي نتلاقى معها كل عام في الصوم الكبير

تعطش للمعرفه.. سامريه

ارتبط بالخطية ورقد فيها.... المخلع

عاش في ظلام وحرمان طول عمره.. المولود أعمى

"أنا هو القيامه والحياه من أمن بي ولومات فسيحيا" يو ١١

سبت لعازر

حتى لوميت بالخطيه يستطيع أن يقيمك لو فشلت محاولاتك

قولي عندك ثروة قد ايه؟

قولي عندك ثروة قد ايه؟

فى يوم من الايام كان فيه اتنين أعز أصحاب و كانوا بيشتغلوا سوا و بيضطروا يسافروا سوا كتير .

و في مرة من المرات كانوا مسافرين عبر الصحراء و فى أثناء رحلتهم حصلت بينهم خناقة كبيرة اوي .. كانت أول مرة تحصل و كبرت الخناقة ما بينهم و حد فيهم ضرب التاني على وجهه.

صاحبنا اللى اتضرب، حس بالإهانة و الألم و الحزن، لكن من غير ما يقول كلمة واحدة، راح كتب على الرملة : " اليوم صديقي المقرب صفعني على وجهي . "

و كملوا رحلتهم و هما متخاصمين و مش بيتكلموا مع بعض لحد ما وصلوا فى رحلتهم لواحة جميلة جدا كان فيها بحيرة حلوة و الجو كان حر جدا فقرر الصديق اللى اتضرب انه ينزل يسبح فى البحيرة شوية ، لكنه للاسف لما دخل للعمق شوية بدأ يفرق و مش عارف يتصرف، و شافه صديقه اللى بره على الشط ، و بسرعة جدا نط فى البحيرة و أنقذ صديقه و طلعه بسلام.

و لما طلع الشاب اللى كان بيغرق كتب على صخرة : " اليوم صديقي المقرب أنقذ حياتي."

و هنا سأله صاحبه اللى أنقذه: بعد ما أذيتك كتبت على الرمل و دلوقتي بعد ما أنقذتك كتبت على الصخر ؟؟؟

فرد صاحبه : يا صاحبي.. لما أذتني كتبت على الرمل عشان تيجي الريح و تمسحها و كأنها مش موجودة اصلا ، لكن لما قدمتلي المعروف ده و أنقذتني حفرته على الصخر عشان ما يتنسيش أبدا و محدش يقدر يمحيه.

أتعلم دايما تكون متسامح و ما تنساش مين قدم لك معروف...

قيمة ما تملكه هو قيمة من حولك من أشخاص..

ها عرفت عندك ثروة قد ايه ؟!

سجن تحت الارض

سجن تحت الارض 

زمان جدا كان في شاب عايش في مدينة في وسط افريقيا وكان الشاب ده ملتزم جدا في حياته العملية .. كان بيشتغل مزارع وبياخد مبلغ بسيط جدا بس هو كان مبسوط وراضى ودايما كان بيشكر ربنا على كل حال رغم ان الشغل ده كان صعب جدا ودرجة الحرارة دايما مرتفعه الا انه دايما كان بيشكر باستمرار وهو بيصلى.

وفى مره حصل ان حاكم البلد قرر ان هيلف على كل المزارع اللي في البلد وقال انه هيعاقب عقاب شديد جدا لاي شخص مش بيشتغل .

في اليوم دا كان الشاب ده تعبان جدا ومرهق فقرر انه هينام شويه ولو ساعه واحدة يريح جسمه من الشغل وفعلا نام أكترمن ساعه , و صادف ان الحاكم مر عليه وشافه نايم وقرر الحاكم انه هيسجنه في اوضه تحت الأرض ما فيهاش شباك ، حتى باب السجن مقفول عليه.

وفعلا الشاب دخل السجن وفضل يبكى كتير ويصلى وحس ان ربنا سابه في وقت ضيقته , و طول مدة عقوبته في السجن كان بيصلي كل يوم وبيشكر ربنا رغم التعب النفسي والجسدي.

وهو في السجن حصل فيضان كبير اووى غرق الناس كلها وفي كتير اووى ماتوا منهم الحاكم وطبعا الشاب مش حاسس باي حاجه لان السجن مقفول وتحت الأرض وبعد فترة لما الأرض جفت كان في ناس من المدن اللي جنب المدينه قدمت المساعدات وعرفوا ان في سجن تحت الأرض وفعلا راحوا لقوا الشاب موجود وخرج من السجن , وعرف ساعتها ان ربنا مسبهوش في الضيقه دي وان ربنا كان ليه حكمة في إنه يدخل السجن في الوقت ده .

شاكرين كل حين على كل شيء " اف 20:5"

انت ممنوع من دخول الامتحان يا شوقي

" انت ممنوع من دخول الامتحان يا شوقي ، للاسف مكتوب عندي هنا انك كنت بتغيب كتير " 🫷

كلمات سمعها شوقي صديقنا على باب لجنة الامتحان بتاع الفلسفة ، أصله كان طالب فى كلية الآداب .. 

شوقي صديقنا لما سمع كده .. شرد بفكره و وقف يفكر كده و قال للمراقب كلمة واحدة و هي ...

" ربنا موجود " 

رجع شوقي لبيته و بلغ مامته باللى حصل و هونت عليه و قالتله " معلش يا حبيبى، كأننا بنشارك المسيح فى آلامه و فعلا ربنا موجود .. كله للخير " 

و استرجع شوقي موقف معين حصل معاه وقت الدراسة ... 

شوقي كان فى محاضرة لدكتور الفلسفة فى الكلية و كان الدكتور بيتكلم عن فكرة هل الله موجود ولا لأ، و للأسف الدكتور كان مقتنع جدا بإن الله غير موجود 

لكن شوقي لما سمع كلامه .. وقف بطل جسارة و شجاعة و قاله : يا دكتور كلام حضرتك غير صحيح و الله موجود و مالي بوجوده كل الدنيا و العالم 

و بدأ شوقي يسترسل فى البراهين و الأدلة اللى بتؤكد ان الله موجود فعلا .. و بدأ الطلبة تتكلم و صوت همهمتهم يطلع و أصبح موقف الدكتور حرج جدا .. 

فا أنهى المحاضرة بسرعة و طلب من شوقي انه يجيله فى مكتبه ..

و دار بينهم الحوار التالي :

الدكتور : واضح انك شاطر اوي يا ... شوقي ؟ مش كده ؟!

شوقي : أيوة يا دكتور أصلي بحب اقرأ كتير و عندي مكتبة مليانة بالكتب و ...

قاطع الدكتور كلام شوقي و قاله بنبرة تهديد :

طيب انا أنصحك تدورلك على كلية تانية .. لأني مش هسمحلك انك تنجح ولا تتخرج منها طول ما انا موجود هنا فى الكلية دي ..

شوقي : ربنا موجود يا دكتور ..

رد الدكتور عليه بنبرة سخرية و تهكم : لما نشوف بقى ربنا موجود ولا لأ، خليه ينجحك ... هههههه .

مشي شوقي و هو رامي حمله على الله و بيردد جملة " ربنا موجود "

و فعلا .. ربنا ما سابش شوقي ..

بعد كام شهر جه للدكتور عقد انتداب فى جامعة تانية خارج البلاد .. و طبعا الدكتور لقاها فرصة عظيمة انه يسافر .. و فعلا سافر الدكتور ... 

و فاتت السنين و سنة ورا التانية ورا التالته.. و الدكتور رجع و استلم عمله من تاني فى كلية الآداب.. 

و فى يوم إتفاجئ الدكتور بصوت خبط على الباب .. 

و دخل عليه طالب .. و بيقوله : مش فاكرني يا دكتور .. ؟

أنا شوقي .. شوقي جيد .. الطالب اللى حضرتك حرمته من دخول الامتحان من كام سنة ، انا جاي دلوقتي عشان استلم شهادة الليسانس .. شهادة تخرجي 

عشان ربنا موجود 

إني محمول على الأذرع الأبدية.. فلماذا أخاف ؟

ماذا يقلق نفسي ؟

أنت عوني يا الله و سر نجاحي ..

انت هو إله المستحيلات ...

أؤمن بك ، و أتمسك بمواعيدك الإلهية