الأسطورة الإغريقيه بجماليون..

بجماليون نحات إغريقي بارع جداً كان عايش في قبرص.. قرر ينحت تمثال لواحده ست نسخه بيتمناها من اللي رسمها في خياله..

بدأ ينحت وأفرغ كل ما يملك في جعبته من فن وإتقان وحرفيه ودقه في التمثال لدرجة إنه بقي جميل جداً أشبه بالحقيقي كانت ست في منتهي الجمال ومن شده جمالها

حبها ووقع في غرامها بجد سماها جالاتيا وبقي يجيبلها هدايا وورد وعطور!!

تجنن بيها لدرجه إنه استني يوم الإحتفال بفينوس آلهة الجمال وراح المعبد معاه قربان وفضل يتضرع لفينوس انها تبعث الروح والحياه في التمثال جالاتيا لانه بيحبها بجنون وعايز يتجوزها

والاسطوره بتقول إن بالفعل أمنيته إتحققت وصل لبيته لقي جالاتيا مستنياه وفيها الروح واتجوزوا وانجبوا ولد إسمه بافوس..

اكيد احنا مش بنؤمن بالاساطير، لكن ممكن نستفاد منها كقصص رمزية

بس اللي يهمنا النهاردة في نظرية تأثير بجماليون Pygmalion effect:

مدي تأثير التوقعات والقناعات الإيجابية على قدرات أي شخص وعلى أفعاله وردود أفعاله..

إعتقاد الناس فينا بيأثر على أفعالنا معاهم

وأفعالنا مع الناس بتأثر على اعتقادنا في نفسنا

واعتقادنا في نفسنا بيأثر على أفعالنا مع الناس

وأفعالنا مع الناس بتأثر على اعتقاداتهم فينا وعننا

يعني الفكرة كلها إن توقعاتك وقناعاتك الإيجابية في نفسك وفي غيرك بتأثر على قدراتك وتصرفاتك إنت وغيرك..

اللي بنستناه ونصدقه في اللي حوالينا بيكون ليه تأثير على إيمانهم بنفسهم وثقتهم في آدائهم

وهكذا احنا اللي بنصدقة في نفسنا وثقتنا في قدراتنا ليه دور مهم في تحقيق أهدافنا وفي آدائنا وتصرفاتنا مع الناس.. سواء اللي صدقناه ده حلو أو وحش سلبي أو إيجابي..حب نفسك وحب اللي بتعمله واتقنه.. الحب بيصنع المعجزات..

صدق نفسك وخليك مؤمن بقدراتك..

كن مؤثراً..

نفس

ثق في اللي حواليك ساعدهم وشجعهم.. الكلمة بتفرق والدعم النفسي بيفرق.

الْحَدِيدُ بِالْحَدِيدِ يُحَدَّدُ، وَالإِنْسَانُ يُحَدِّدُ وَجْهَ صَاحِبِهِ" (ع17).

«أَنْتُمْ مِلْحُ الأَرْضِ، وَلكِنْ إِنْ فَسَدَ الْمِلْحُ فَبِمَاذَا يُمَلَّحُ؟ لاَ يَصْلُحُ بَعْدُ لِشَيْءٍ، إِلاَّ لأَنْ يُطْرَحَ خَارِجًا وَيُدَاسَ مِنَ النَّاسِ." (مت 5: 13).